Cole Palmer së fundmi ripohoi admirimin e tij për Lionel Messin, duke rindezur debatin e gjatë për lojtarin më të madh të të gjitha kohërave në futboll.
Në një intervistë për Goal, Palmerit iu kërkua të zgjidhte mes Messit dhe Cristiano Ronaldos.
Përgjigja e yllit anglez të Chelseat ishte e thjeshtë dhe shumë e shpejtë, duke zgjedhur argjentinasin.
“Kur isha fëmijë, doja të isha Messi”, tha Palmer, duke treguar admirimin e tij për yllin argjentinas.
Kur iu bë presion më tej se cili është më i mirë mes tij dhe Ronaldos, ai shtoi: “Për mua, është Lionel Messi”.
Kjo nuk është hera e parë që Palmer shpreh preferencën e tij për Messin, duke e bërë të qartë se, në sytë e tij, argjentinasi mbetet më i madhi.
