Pamje të mrekullueshme të faunës së egër janë regjistruar së fundmi nga kamerat-kurth të vendosura në Parkun Kombëtar të malit të Tomorrit në Berat. Duke qenë të qeta dhe në një habitat të pasur që iu siguron nevojat jetësore, popullatat e tyre janë në rritje nga viti në vit.
Në malin e Tomorrit janë të gjitha katet e bimësisë, që nga shkurret mesdhetare e deri tek kullotat alpine, ndaj është një habitat i shkëlqyer për thuajse të gjitha kafshët e shpendët e egra që gjenden në Shqipëri.
Gjithashtu, prania e të gjitha llojeve të bimësisë, e shton bukurinë dhe madhështinë e këtij mali.