Real Madridi ka festuar çmendurisht triumfin në Ligën e Kampionëve për vitin 2022, pas fitores në finale ndaj Liverpoolit.
Los Blancos kanë fituar me rezultat minimal 1-0 ndaj Reds në finalen e së shtunës mbrëma në stadiumin Stade de France në Paris.
Goli i vetëm në fitoren e ekipit të Carlo Ancelottit erdhi në minutën e 59-të me anë të Vinicius Junior.
Ky triumf bërë që Real Madridi ta vazhdoj të shkruaj historinë duke koleksionuar trofeun e 14-të në histori të Ligës së Kampionëve.
Fitorja ka gëzuar pa masë futbollistët e Real Madridit, stafin dhe të gjithë drejtuesit, pasi erdhi pas shumë ndeshjeve të forta.
Mbretërit arritën të eliminojnë klube si Paris Saint-Germain, Chelsea dhe Manchester City, para Liverpoolit në finale.
Trofeu i 14-të u festua në mënyrë të çmendur nga të gjithë dhe faqja zyrtare e Real Madridit ka vendosur t’i publikojë disa video.
Atmosfera mbahej nga emra si David Alaba, Eder Militao dhe Marcelo, por edhe të tjerët shiheshin të lumtur dhe duke vallëzuar.
