Presidentja e Kosovës, Vjosa Osmani, në kuadër të vizitës në Tajlandë, është takuar sot me kryeministrin e këtij vendi, Prayout Chan-o-cha, me të cilin biseduan për forcimin e marrëdhënieve ndërshtetërore.
Presidenca ka publikuar video nga pritja që i është bërë presidentes Osmani kryeministri i Tajlandës, gjeneral Prayut Chan-o-cha, në Bangkok.
Ndryshe, sipas njoftimit nga Presidenca, në këtë takim Osmani i ka kërkuar kryeministrit tajlandez përkrahjen në procesin e anëtarësimit të Kosovës në organizatat ndërkombëtare, transmeton Telegrafi.
Tutje në njoftim, bëhet e ditur se në takim me kryeministrin e Tajlandës, Osmani ka theksuar se Kosova e sheh këtë shtet si aleat në këtë pjesë të botës, ndaj është e interesuar që edhe me ndihmën e saj të ndërtojë marrëdhënie miqësore me shtetet e Azisë Juglindore.
