Sergio Ramos ka dështuar dy herë radhazi nga penalltia në barazimin e Spanjës kundër Zvicrës të shtunën mbrëma në një ndeshje të Ligës së Kombeve.
Ramos po e bënte paraqitjen e 177-të rekorde duke u bërë lojtari evropian me më së shumti paraqitje për ekipin kombëtar, por ishte një ndeshje për t’u harruars.
Portieri Yann Sommer ia mbrojti penalltinë e parë 34-vjeçarit duke u hedhur në krahun e djathtë.
https://streamja.com/embed/5rXNN
Në penalltinë e dytë, Ramos u përpoq të shënonte në stilin panenka, por dështoi dhe Sommer e priti topin në dorë.
https://streamja.com/embed/qVyBl
Të dy penalltitë e humbura nga qendërmbrojtësi i Real Madridit ndodhën kur Spanja ishte duke humbur 1:0, pas golit të Remo Freulerit.
Por Spanja ia doli ta barazoi rezultatin falë golit të Gerard Morenos në minutën e 89-të, pas një harkimi nga Sergio Reguilon.
