Në një lidhje me skype në studion e Ora News, rektori i Universitetit të Mjekësisë, Dr. Arben Gjata analizon situatën pandemike dhe rritjen e madhe të rasteve të infektimeve.
Ora News: Çdo ditë përballemi me rekord infektimesh apo dështojnë masat që po merren?
Arben Gjata: Nëse do të bëjmë një analizë, Këto tre muaj që kemi përpara janë 3 muaj të një sfide shumë të madhe, ndoshta më të madhe që ka kaluar ndonjëherë sistemi shëndetësor shqiptarë. Është një sfidë që mund të kalohet vetëm në bashkëpunim me qytetarët. Është e domosdoshme që qytetarët ta kuptojnë.
Një nga gjërat që nuk ka funksionuar, pavarësisht ndërhyrjeve e reklamave, që janë bërë, eshte se nuk kemi qenë të aftë të ndërgjegjojmë qytetarët për riskun e madh që paraqet kjo sëmundje dhe këto 3 muaj që vijnë do të jenë muaj vendimtarë dhe një sfidë shumë e madhe për mjekësinë dhe shoqërinë shqiptare.
Mjeku bën apel për vetëkarantimin dhe shmangie të ambienteve të hapura për ata që kanë forma të lehta të sëmundjes.
Arben Gjata: Unë besoj se këto rritje të rasteve dhe rritja e sëmundshmërisë i bën qytetarët më të ndërgjegjshëm por vërej që një pjesë edhe e atyre që janë pozitivë nuk zbatojnë rregullat e vetëkarantinimit . Me keqardhje vërej që qoftë ata që kanë forma të lehta të koronavirusit apo kanë të afërm me koronavirus lëvizin lirshëm.
Ata duhet të vetëkarantinohen dhe duhet të shmangin daljet në kafe, restorante. Këto janë të domosdoshme për të bërë, për të shmangur rritjen e rasteve dhe rritjen e rriskut të kolapsit të sistemit shëndetësor”
