Varianti britanik i koronavirusit ka gjetur “terren” në Itali. Sipas studimit nga Instituti i Lartë Italian i Shëndetit, mutacioni britanik u gjet në rreth 20% të rasteve të koronavirusit të regjistruar në vend në 3 dhe 4 shkurt.
Hetimi u bazua në një mostër prej 3,600 rastesh nga të gjitha rajonet e vendit. Sipas mediave italiane, mutacioni britanik u gjet kryesisht në rajonet e Italisë qendrore.
Asnjë shpërthim nuk është raportuar deri më tani, por ekspertët janë të shqetësuar se infeksionet për shkak të mutacionit mund të rriten në javët e ardhshme.
