Të shtëna me armë janë regjistruar mesditën e së hënës pranë një qendre të madhe tregtare në Oslo, duke shkaktuar panik te personat e pranishëm.
Si pasojë e të shtënave nuk raportohet për persona të lënduar, teksa forca të shumta policie kanë shkuar në zonë dhe kanë evakuuar të pranishmit.
Mësohet se autori i ngjarjes është një 19-vjeçar i cili është arrestuar nga policia dhe tashmë po merret në pyetje.
Fatmirësisht, nga të shtënat nuk ka pasur të lënduar, pasi i riu ka qëlluar drejt tavanit, pa rrezikuar jetën e ndokujt.
Shkaqet e kësaj ngjarje janë ende të paqarta, teksa policia njofton se 19-vjeçari kishte telefonuar më herët në central për të treguar atë që do ndodhte.
Në momentin e arrestimit, përveç armës automatike, atij iu sekuestrua dhe një thikë e një shkop bejsbolli.
