Christian Panucci u shfaq optimist para sfidës ndaj Turqisë që do të zhvillohet këtë të premte në Loro Boriçi dhe që do t’i japë start fushatës kualifikuese të Euro 2020 për Shqipërinë.
Trajneri italian i kuqezinjtë theksoi se skuadra është gati për këtë duel.
Rikthimi në kombëtare i disa lojtarëve të rëndësishëm i shton besimin Panuccit, ndërkohë që trajneri nuk pranoi t’i bëheshin pyetje për Thomas Strakoshën, i cili është dënuar dhe është lënë jashtë nga ky grumbullim ndërsa thumboi edhe Ermir Lenjanin për gjestin që bëri.
“Lenjani është grumbulluar 8 herë, nga 9 grumbullime. Thirrja e fundit mungoi, sepse nuk ka luajtur. Lenjani nuk i ka shprehur mungesë respekti Panuccit apo Dukës, por Shqipërisë. Më vjen të qesh, të komentoj një lojtar që shkruan një letër në Instagram, dhe ajo që mund të bëj, është të pranoj kërkesën e tij”, tha ai.
Panucci tregoi se ka ardhur Sadiku, “edhe pse nuk është mirë, kemi lojtarë që
kanë bërë gola. Mjafton edhe 1 gol për të fituar ndeshjen. Kemi Sadikun, Balaj
ka gjetur golin, kemi Grezdën dhe Abazajn gjithashtu”.
“Skuadra ka potencial. Të përqendrohemi tek Turqia dhe Islanda, Francën ta lëmë
në terezinë e saj. Skuadra është e konsoliduar, por ka shumë rrugë për të bërë.
Kjo skuadër është si një minë me sahat, mund të shpërthejë kurdo dhe, të bëjë
gjëra të mëdha”, tha Panucci.
