Papa Françesku është shtruar në spitalin Gemelli të Romës, ku do i nënshtrohet një ndërhyrje kirurgjikale. Zyra e shtypit e Vatikanit, ka bërë me dije se Papa do të kryejë një operacion abdominal dhe do të qëndrojë në spital për disa ditë.
Papa Françesku u detyrua të anulonte disa angazhime pune në fund të majit, kjo pasi shëndeti i tij po i shfaqte disa shqetësime. Papa u shtrua në spital në muajin mars për bronkit, por fatmirësisht reagoi në mënyrë pozitive ndaj antibiotikëve.
E teksa po largohej nga spitali, Papa bëri shaka para mediave duke thënë se “jam ende gjallë”.
