Ilir Xhangolli u betua si kryetari i ri i bashkisë së Pogradecit, i dalë nga votimet e 30 qershorit. Ai hyri pa kundërshtime në godinën e institucionit pasi paraardhësi demokrat e la të çelur derën e bashkisë, pasi mbylli detyrën në ditën e tij të fundit.
Socialisti Xhangolli u prit nga një pjesë e administratës së bashkisë së Pogradecit.
Më herët konstituimi i këshillit bashkiak të bashkisë së Pogradecit u bë në ambientet e një prej hoteleve të qytetit dhe jo në sallën e mbledhjeve të këshillit bashkiak.
Gjatë ceremonisë socialisti i zgjedhur theksoi se do të punojë për të gjithë dhe në fokus do të jetë turizmi.
Nga ana tjetër kryebashkiaku i larguar Eduard Kapri teksa bëri një bilanc të punës falenderoi qytetarët për mbështetjen e tyre.
