Qendra e Kairos, në Egjipt, mbrëmjen e së shtunës u pushtua nga një paradë prej 22 mumjesh, të cilat u zhvendosën nga një muze ku kishin qëndruar për më shumë se një shekull në një “shtëpi” të re. Në një vlerë miliarda dollarëshe, 22 mumie, 18 faraonë dhe 4 mbretëresha, ‘parakaluan’ në rrugën që ishte e blinduar me forca ushtarake, të ftuar specialë dhe shumë televizione kombëtare dhe ndërkombëtare.
“Këto janë mumiet e mbretërve dhe mbretëreshave që sunduan gjatë epokës së artë të Egjiptit”, tha Zahi Hawass, një ish-ministër i antikave që mbikëqyri zbulimin e varreve që datojnë mijëra vjet më parë.
