Protestat e nisura dje, si reagim pas vrasjes së 25-vjeçarit Klodian Rasha nga një efektiv policie, janë paralajmëruar të vijojnë edhe sot. Tubimi është paralajmëruar në rrjetet sociale, ndërkohë që raportohet se policia ka nxjerr në terren rreth 800 efektivë të pozicionuar kryesisht në zonën e Kryeministrisë.
Gjithashtu raportohet se në pjesën e pasme të institucionit janë vendosur edhe dy automjete me ujë, për shpërndarjen e turmës.
Ndërkohë në tarracën e Kryeministrisë parashikohet të jenë të vendosur të efektivë të gardës të cilët mbikqyrin situatën nga sipër.
Raportohet se në perimetrin përpara Kryeministrisë nuk është lejuar sot as qëndrimi i mediave.
