Paris Saint-Germaini nuk ka hasur në vështirësi për ta fituar ndeshjen ndaj Reimsit. Parisi e fitoi 4:0 ndeshjen e xhiros së 22-të të Ligue 1, të zhvilluar të dielën mbrëma.
Marco Verratti shënoi për 1:0 në minutën e 44-t. Spanjolli Sergio Ramos realizoi golin e parë personal për Parisin. Ai shënoi për 2:0 në minutën e 62-të. Një minutë më vonë në lojë hyri ylli Lionel Messi.
Wout Faes shënoi autogol në minutën e 67-të, ndërsa Danilo vendosi rezultatin përfundimtar në minutën e 75-të.
Valon Berisha e Arbër Zeneli munguan te Reimsi për shkak të lëndimeve.
Parisi udhëheq me 53 pikë nga 22 ndeshje. Reimsi është i 14-ti me 24 pikë.
