Të relaksuar dhe kuruar nga rrezet e gushtit, deputetët iu drejtuan sallës së Kuvendit për të startuar një sesion të ri debatit politik.
Ndonëse një seancë solemne dhe e qetë në krahasim me të shkuarat, mesazhet e fshehta politike ranë dukshëm në sy. E para ishte mesazhi i Bajram Begaj, mesazh të cilin Elisa Spiropali nuk doli ta lexonte në foltore si paraardhësja e saj Lindita Nikolla. Në vend të kësaj, kryeparlamentarja kishte me prioritet mesazhet e saja.
Demokratët duket se kishin zgjedhur të mos ngrinin zërin në nisje të punimeve të kësaj seance, ndryshe nga sa bën në atë të korrikut. Ky relaksim politik i tyre duket se erdhi nga qasja e kryeparlamentares së re e cila i plotësoi dëshirën duke i larguar Bashën nga delegacionet e Kuvendit, si Asambleja Parlamentare Këshillit të Europës, por edhe fizikisht në ulëset e Kuvendit.
Nëpërmjet kësaj shkrese, Gazment Bardhi vendosi që Basha dhe ata që nuk mbështesin Berishën, të s’postoheshin në bankat e fundit të parlamentit, duke vendosur në krye demokratët e unifikuar ku rreshti më i rëndësishëm duket se është ai numër katër në të cilin janë ulëset e Bardhit, Nokës, por edhe të vetë Sali Berishës që vijon të jetë në mungesë,.
Fjalimi i Gazment Bardhit ishte në linja më utilitare duke përcaktuar si fokus të axhendës së tyre miratimin e nismave ligjore që prekin pensionistët apo minimumin jetik.
I fundi në radhë ishte kryetari i ri i Grupit Parlamentar të PS-së, Niko Peleshi i cili zgjodhi të shtrinte dorën e bashkëpunimit për të vijuar në miratimin e akteve me shumicë të cilësuar.
Sipas kalendari të Kuvendit, për muajin shtator parashikohen dy seanca të tjera, me një numër të lartë ligjesh për tu miratuar që ishin të mbartura prej më shumë se një viti. Ndërsa komisionet parlamentare startojnë menjëherë, së bashku me super-komisionin Xhafa, veprimtaria dhe produkti i të cilit vijon të jetë enigmatik.
