Ventura u shfaq gjatë seancës së Kuvendit duke vendosur duart në kokë pas kaosit që u krijua me hapjen automatike të votimit nga mazhoranca.
Mes zhurmës, mungesës së debatit parlamentar dhe autokracisë së vendosur nga Rama, mazhoranca kaloi e vetme në një seancë ‘maratonë’ 25 minutëshe, programin qeverisës, të cilin kryesocialisti as nuk e prezantoi.
Teksa opozita protestonte dhe mazhoranca përdorte fuqinë e kartonit, kamerat fiksuan një moment pikant.
Ambasadori i Mbretërisë së Spanjës, në Shqipëri, Gabriel Cremades Ventura, shihet duke vënë duart në kokë. Ventura, mes diplomatëve të tjerë, ishte ndoshta i vetmi që pati një reagim i cili u fiksua nga mediat.
Ndoshta ambasadori ka shprehur habinë ose shqetësimin për situatën, ku opozita proteston, mazhoranca kalon programin e vetë pa debat, dhe seanca duket jashtë kontrollit.
Ose për të treguar se situata është aq e çuditshme sa nuk di çfarë të bësh.
