Mbretëresha e Britanisë Camilla do të kthehet në detyrat publike këtë të martë pasi pësoi një infeksion në mushkëri, por do të humbasë premierën e nesërme të filmit “Gladiator 2” për t’u shëruar më mirë, tha një burim pranë familjes mbretërore.
Javën e kaluar, Pallati Buckingham njoftoi se Mbretëresha Camilla do të ishte jashtë detyrave publike pasi u sëmurë rëndë për shkak të një infeksioni në mushkëri, shkruan The Mirror.
Ajo kaloi disa ditë duke pushuar në shtëpi me urdhër të mjekut, tha një ndihmës i lartë i pallatit. Sot u njoftua se mbretëresha britanike do të marrë pjesë në pritjen e çmimit Booker, por do të qëndrojë për një kohë më të shkurtër se sa ishte planifikuar, pasi ajo vazhdon të rikuperohet.
Camilla, së bashku me Mbretin britanik Charles, do të marrë pjesë edhe në pritjen e nesërme për nder të industrisë televizive dhe filmit, por nuk do të marrë pjesë në premierën e filmit “Gladiator Two” në mbrëmje
