Reprezentuesi i Kosovës, Benjamin Kololli ka vazhduar me formë të lartë te Zuerichu. Lojtari i krahut të majtë të martën asistoi për barazimin 1:1 të Zuerichut ndaj Xamaxit. Ndeshja i takoi xhiros së 29-të të Superligës së Zvicrës. Në minutën e 27-të Kololli krosoi nga këndi për Nathan që shënoi me goditje me kokë.
Kololli në katër ndeshjet e kaluara kishte shënuar katër gola. Formën e lartë e ka konfirmuar edhe të martën.
Samir Ramizi e Taulant Seferi startuan te Xamaxi, kurse Arbenit Xhemajli e Liridon Mulaj ishin në stol. Te Zuerichu startuan Toni Domgjoni, Kololli dhe Hekuran Kryeziu. U aktivizua edhe Mirlind Kryeziu, kurse Shpëtim Sulejmani qëndroi në stol. Zuerichu është i katërti, kurse Xamaxi i fundit (10).
