Përderisa disa vende po përgatiten pas festave të Pashkëve t’i kthehen jetës si para COVID – 19, në disa vende të tjera pandemia është në pikun e saj. Në 24 orët e fundit në Shtetet e Bashkuara u shënua numri më i madh i viktimave edhe atë 1.800, duke e çuar numrin në 13,000, ndërsa numri i të prekurve ka shkuar në 400,000. Në 24 orët e fundit në Francë kanë vdekur 1,427 persona.
Në Gjermani, ka më shumë se 107 mijë të infektuar dhe 2,000 të vdekur. Në Itali, vendi me numrin më të madh të viktimave nga virusi korona mbi 17,000, në 24 orët e fundit numri viktimave filloi të bjerë në 604. Qeveria italiane njoftoi se pas Pashkëve, për të shmangur tubimet masive fetare, gradualisht, në dy faza do të fillojnë të dalin nga bllokada. E para fillon me aktivitetet e prodhimit dhe e dyta, pas 4 majit me heqjen e masave për lëvizje. Edhe Sllovenia gjithashtu ka njoftuar se do të fillojë shfuqizimin e masave kundër përhapjes së infeksionit nga java e ardhshme.
“E shqyrtojmë mundësinë për hapjen e atyre kompanive që mund të sigurojnë punë, duke i ndjekur rekomandimet për kufizimin e distancës së njerëzve, si dhe dezinfektimin e duarve dhe veshjen e maskave mbrojtëse”, deklaroi Jansha.
Te fqinjët tanë më të afërt, numri i përgjithshëm i të infektuarve, të vdekurve por edhe të shëruarve nga Covid 19 shënon rritje. Gjatë ditës së djeshme në Kosovë janë regjistruar gjashtë raste që janë shëruar nga virusi korona, si dhe 19 raste të reja, duke e çuar numrin zyrtar të të infektuarve në 184. Në Bullgari të infektuar janë 581 persona, 19 prej tyre raste të reja dhe 42 të shëruar.
Në Shqipëri janë infektuar 383 persona. Në 24 orët e fundit, një person ka vdekur dhe numri është rritur në 22. Në Serbi, 247 persona janë infektuar dhe 61 kanë vdekur. Në Greqi, në 24 orët e fundit ka pasur 77 raste të reja. Në faqen zyrtare të Institutit Xhon Hopkins thuhet se më shumë se 1.43 milion njerëz në të gjithë botën janë të infektuar dhe më shumë se 82,000 kanë vdekur në 184 vende dhe territore. Ndër të tjerat nuk ka raste të konfirmuara në Korenë e Veriut, Lesoto, Taxhikistan, Turkmenistan dhe Jemen.
Pas më shumë se dy muajsh bllokadë të plotë, qyteti kinez Vuhan, i cili ishte vatër e parë e madhe e koronavirusit, u rihap sot. Autoritetet kineze i kanë hapur rrugët që çojnë jashtë qytetit dhe lejuan hyrjen dhe daljen në qytet.
