Ukrainasit tani mund t’i sjellin përsëri fëmijët e tyre në Britani, pasi qeveria ka rishikuar rregullat e vizave.
Shkurtin e kaluar, pa paralajmërim, qeveria e Britanisë u ka ndaluar mundësinë ukrainasve që nuk kanë të drejtë të përhershme të jetojnë në Britani, të sponsorizojnë njerëz përmes skemës “Shtëpi për Ukrainën”, e cila i strehon njerëzit që ikin nga lufta në Ukrainë, raporton BBC.
Shoqatat humanitare kanë deklaruar se ky vendim i kishe lënë familjet e ndara, me disa prind duke u munduar të sjellin fëmijët e tyre në rrugë ilegale drejt Britanisë.
Ata e mirëpritën njoftimin si “lehtësim të madh” për prindërit e ndarë nga fëmijët e tyre por kanë treguar se nuk do t’i ndihmoj ata që janë ndarë nga familjarë të tjerë si vëllezërit dhe motrat ose prindërit.
Më shumë se 190,000 ukrainas kanë shkuar në Britani përmes skemës “Shtëpi për Ukrainën” që kur kishte filluar në mars të 2022-tës, pas fillimit të pushtimit rus.
Gjithsesi, në ndryshimet e qeverisë në shkurtin e kaluar, vetëm qytetarët britanikë ose irlandezë, ose ata që kanë të drejtë të përhershme të jetojnë në Britani të mund të sponsorizojnë dikë, përmes ofrimit të një vendi për të jetuar.
Kjo do të thotë Ukrainasit që jetojnë në Britani pa të drejtë jetese të përhershme nuk mund të sponsorizonin anëtarët e familjes për të jetuar në Britani.
Në të njëjtën kohë skema “Familja e Ukrainës”, e cila lejonte ukrainasit nga Ukraina të bashkoheshin me familjarët e tyre që kishin të drejtë jetese të përhershme në Britani, ishte mbyllur gjithashtu.
