Real Madridi është tronditur rëndë në gjysmëfinalen e Kupës së Botës për Klube, duke u mposhtur 4-0 nga Paris Saint-Germain – dhe pjesa më e madhe e kritikave të tifozëve është përqendruar tek një lojtar.
Raul Asencio u përfshi direkt në golin e parë të PSG-së, kur gaboi në largimin e topit brenda zonës, duke i dhënë mundësinë Ousmane Dembeles të ndërtonte aksionin që rezultoi me golin e Fabian Ruiz.
Fabian Ruiz GOAL. PSG 1-0 REAL MADRID
Gabimi i Asencios u pasua shpejt nga një tjetër pasiguri në mbrojtje, që çoi në golin e dytë, ndërsa PSG shtoi edhe të tretin brenda minutës së 25-të.
Reagimi i tifozëve madrilenë ka qenë i menjëhershëm dhe i ashpër, veçanërisht në rrjetet sociale, ku kanë shpërthyer kritikat kundër Asencios
Një tifos shkroi: “Asencio, mbarove plotësisht! Faleminderit për sezonin e kaluar, tani mirupafshim”.
Super GOAL by Dembele | 🇫🇷 PSG 2-0 Real Madrid 🇪🇸
“Asencio nuk është standardi i Real Madridit. Zbulesa ka mbaruar zyrtarisht”, ishte një tjetër koment.
I treti komentoi: “Është koha për ta dërguar Raul Asencion në Zaragoza. Çfarë po shoh nga ky djalë përsëri sot?”.
“Asencio nuk mund të ndalet së panikuari. Nuk mund ta kemi këtë situatë vazhdimisht, jo përsëri ju lutem”, shtoi një tjetër tifoz.
Një tifoz tjetër i Real Madridit komentoi: “Ndeshje pas ndeshjeje, gabim pas gabimi. Mjaft me Raul Asencion”.
Tifozët e Realit nuk po e shohin më Asencion si një lojtar të besueshëm për fazat vendimtare të kompeticioneve të mëdha, duke kërkuar që klubi të marrë masa dhe të sjellë alternativa më të sigurta në mbrojtje.
