“Pas Kuçovës edhe Pashalimani po studiohet nga NATO për bazë detare”, tha sot Ministrja e Mbrojtjes Olta Xhaçka, në një intervistë televizive.
Ministrja Xhaçka tha se ka qenë propozimi shqiptar që Ministeriali i radhë i NATO-s të bëhet në Shqipëri.
“Përmes këtij angazhimi përcillen mesazhe gjoestrategjike dhe është një gjë pozitive. Në fakt kjo ka ardhur falë insistimit im që të kemi një Ministerial të NATO-s në Shqipëri edhe për të përcjellë këto mesazhe, por kjo është shenjë besimi e aleatëve te Shqipërisë, është vlerësim për rolin e Shqipërisë edhe për atë çfarë Shqipëria beson në rolin e aleancës e NATO-s. Pas vendimit për të investuar në Bazën e Kuçovës për të bërë bazën e parë ajrore të NATO-s në rajon dhe vlerësimin për operacionet e Shqipërisë në kuadër të aleancës është një vlerësim për rolin e Shqipërisë si faktor stabiliteti në rajon”-tha Xhaçka.
Në lidhje me investimet amerikaneë në Kuçovë, Xhaçka tha se aktualisht “jemi duke nënshkruar një marrëveshje me Agjencinë e Specializuar pranë NATO-së për prokurimet. Ka një vit që kjo agjenci po harton masterplani dhe projektin. Me lidhjen e marrëveshjes fillon faza e ndërtimit dhe shumë shpejt në Kuçovë fillon puna. Investimi është i konsiderueshëm kap shifrën 50 milion euro dhe e bën NATO”.
Për bazën e Pashalimanit, Xhaçka tha se “është propozimi ynë që NATO të konsiderojë Pashalimanin edhe për shkak të gjeografisë dhe avantazheve që ofron për për investuar dhe aty një bazë detare të NATO-s, është duke u marrë në konsideratë dhe jemi në bisedime”.
Ne lidhje me deklaratë e Liderit të Iranit për një vend të vogël të lig në europë dhe kërcënim, Xhaçka tha se “ne nuk kemi asnjë informacion që Shqipëria është e rrezikuar. Pa dyshim që ajo deklaratë që ngriti dyshime për të marrë disa masa, por nuk ka rrezik. Strehimi i opozitës iraniane është thjesht produkt i një marrëveshje humanitare me partnerët tanë”./ASTH/