Burime nga selia blu bëjnë me dije se Partia Demokratike do t’i kërkojë Komisionit Qendror të Zgjedhjeve që të shpallë të pavlefshëm rezultatin e zgjedhjeve të 25 prillit në 9 qarqe të vendit.
Burimet i thanë Ora News se PD po përgatit dosjen me prova që do i dorëzohet këto ditë Komisionit të Ankimimeve dhe Sanksioneve.
Në dosje, PD do të dorëzojë provat për parregullsitë e zgjedhjeve në 9 qarqe, mes tyre Durrës, Tiranë, Elbasan, Fier, Berat, Gjirokastër, Vlorë, Korçë.
Burimet thonë se dosja me prova pritet të dorëzohet në KAS të dielën.
