Krahas organizimit të protestive, Partia Demokratike ka ndezur motorët edhe për zgjedhjet lokale.
Këshilli i Kombëtar i Partisë Demokratike i delegoi organeve të reja drejtuese, kryesisë dhe sekretariatit organizativ organizimin e protestave.
Objektivi është i qartë krijimi i një qeverie tranzitore për të zhvilluar zgjedhje të lira dhe të ndershme. Në zbatim të vendimi të këshillit kombëtar kryesia caktoi datën dhe strategjinë e protestave. Bashkë me protestat, partia demokratike ka filluar përgatitet dhe për zgjedhjet.
Në një udhëzim të shpërndarë për deputetët dhe anëtarët e kryesisë nga kryetari Lulzim Basha dhe Sekretari i Përgjithshëm Gazmend Bardhi kërkohet fillimi i punës për ngritjen e shtabeve elektorale në çdo degë lokale. Udhëzimi thotë që duhet të nisë puna për identifikimin e personave që do të jenë në shtabet elektorale në zbatim të vendimit të kryesisë.
Në të njëjtën linjë me këtë udhëzim është dhe vendimi i kryesisë për
identifikimin dhe thirrjen e të gjithë atyre personave që kanë kontribuuar për
partinë demokratike nga viti 1991 qofshin ato ish-deputetë apo ish-kryetarë bashkish.
Po ashtu kërkohet që të merren masa për takime të kryetarit të partisë
demokratike Lulzim Basha në rrethe si përgjegjësi kryesor për të organizuar të
gjitha strukturat e partisë.
