Oerd Bylykbashi dhe Ivi Kaso kanë denoncuar nga selia blu manipulimin e votave që, sipas tyre, ka ndodhur më 30 qershor.
“Do dokumentojmë me fakte shkeljet ligjore që ndodhën në 30 qershor”, tha Bylykbashi.
Në tabelat e publikuara nga PD vihet re një manipulim i konsiderueshëm me pjesëmarrjen në votime, por edhe në uljen e numrit të votave të pavlefshme. Sipas demokratëve, këto të dhëna janë të vërteta dhe janë siguruar nga shërbimet audio dhe video të qendrave të numërimit.
PD akuzon kryeministrin Edi Rama, por edhe kryebashkiakun e Tiranës, Erion Veliaj, për presion ndaj administratës për të marrë pjesë në votimet e 30 qershorit për bashkitë e vendit.
