Dështimi në zgjedhjet e së Dielës e ka futur në një tjetër ngërç PD-në. Pas dorëheqjes së Enkelejd Alibeajt nga detyra e Kryetarit të Komanduar, nënkryetarja Jorida Tabaku është ende e pa vendosur për ta zëvendësuar.
“Jam takuar vonë me zotin Gazmend Bardhi për ta diskutuar dhe jemi duke analizuar se si do të jetë mënyra se si do të anashkalohet ky ngërç. Për mua ishte e papritur dorëheqja e zotit Alibeaj, nuk isha e disponueshme për ta takuar zotin Bardhi, por siguroj që çdo hap që do ndërmerret do të diskutohet me kolegët.”
Por, për nënkryetarin e grupit parlamentar, Ervin Salianji dorëheqja e Alibeajt ka si qëllim dëmtimin e mëtejshëm të PD.
“Nuk do zgjasë më shumë se dy orë dhe do ta kuptoni se ka përpjekje dhe do të ketë përpjekje që secili të bëhet kryetar. Njëri të bëhet kryetar, njëri të marrë ndonjë rrogë në parti, njëri të marrë ndonjë rrogë në parlament.”
Për humbjen e zgjedhjeve, Salianji thotë se e gjithë PD duhet të mbajë përgjegjësi.
“Secili prej funksionarëve të lartë të PD është përgjegjës deri më një.”
Për pasuesin e Alibeajt, PD duhet të mbledh këshillin kombëtar i cili vendos një nga nënkryetarët e partisë si kryetar i komanduar për një periudhë tranzitore.
