Pekini njoftoi sot anulimin e festimeve mjaft popullore të parashikuara me rastin e Vitit të Ri kinez për shkak të epidemisë virale të përhapur në Kinë.
Epidemia, e cila ka infektuar më shumë se 570 persona që nga dhjetori dhe ka vrarë 17, është përhapur edhe në vende të tjera, si në SHBA, në Korenë e Jugut, Tajlandë, Tajvan, Hong Kong dhe Japoni.
Qeveria ka vënë në karantinë epiqendrën e virusit, metropolin prej 11 milionë banorësh të Wuhan-it dhe qytetin fqinj me të, Huanggang, ndërkohë që vendi pritet të nisë të premten pushimet e Vitit të Ri, që do të zgjasin një javë.
Me rastin e festimeve, zakonisht, qindra mijëra banorë mblidhen në parqet e Pekinit, për të admiruar kërcimet tradicionale të luanit dhe të dragoit.
