Maqedonia e Veriut ka votuar të dielën për të zgjedhur presidentin e ri të saj.
Stevo Pendarovski i Lidhjes Social Demokrate, i mbështetur edhe nga Bashkimi Demokratik për Integrim dhe partitë e tjera të koalicionit qeveritar, Blerim Reka i mbështetur nga partitë shqiptare të opozitës Aleanca dhe Lëvizja Besa, si dhe Gordana Siljanovska Davkova e VMRO-DPMNE-së janë tre garuesit të cilët synuan presidencën.
Pas numërimit të rreth 98% të votave, kandidatja e VMRO-DPMNE-së, Gordana Siljanovska, udhëheq me diferencë të ngushtë përballë rivalit nga LSDM, Stevo Pendarovski – 42.63 për qind me 41.93 për qind.
Në rrethin e dytë pritet që shqiptarët ta përkrahin Pendarovskin duke marrë parasyshë politikat e VMRO-DPMNE-së.
Zgjedhjet janë karakterizuar nga një dalje e ulët e votuesve – 39,71 përqind. Në komunat e banuara me shumicë shqiptare sidomos është shënuar dalje më e ulët e votuesve, në dallim nga vendbanimet maqedonase.
Presidenti zgjidhet me vota popullore, ndërsa komptenencat që ka janë të kufizuara dhe kryesisht ceremoniale. Një garuesi për të fituar zgjedhjet qysh në raundin e parë i nevojiten gjysmat e 1 milion e 808 mijë votave.
