E diplomuar në antropologji, 47 vjeçarja Blaise Metreweli, do të duhet të menaxhojë shërbimet sekrete britanike të çështjeve të jashtme komenton kryeministri Starmer.
Ajo është gruaja e parë në krye të MI6, shërbimeve sekrete britanike të çështjeve të jashtme, në 116 vjet të historisë së agjencisë. 17 paraardhësit e saj kanë qenë të gjithë burra. Por tani Blaise Metreëeli, 47 vjeçe, është përgjegjësja e re e inteligjencës. E diplomuar në antropologji në Pembroke College të Cambridge, ku mori pjesë edhe në garën klasike të kanotazhit kundër Oksfordit si studente, fitoi kundër Barbara Ëoodëard, ish-ambasadore e Mbretërisë në Pekin, e cila, edhe për këtë, thuhet se humbi garën. Disa në MI6 druheshin se ajo mund të ishte shumë “e butë” përballë kërcënimit kinez.
Do të jetë Metreweli që do të mbajë detyrën prestigjioze, emri i koduar “C”: i vetmi pozicion për të cilin mund të bëhen publike gjeneralitetet e personit që e mban. Deri tani, gruaja, e rekrutuar që nga viti 1999 nga MI6 dhe me një të shkuar në fushë në Evropë dhe Lindjen e Mesme, ishte “Q”, domethënë personi anonim në inteligjencën britanike në krye të sektorit teknik dhe informatik, siç tregohet edhe nga saga e James Bond.
“Jam krenare dhe e nderuar që jam zgjedhur për të udhëhequr inteligjencën ku kam punuar për një kohë të gjatë”, deklaroi Metreweli me rastin e emërimit, MI6 luan një rol jetësor së bashku me MI5 dhe GCHQ (agjencia qeveritare që merret me sigurinë në fushën e komunikimeve) në ruajtjen e sigurisë së popullit britanik dhe në promovimin e interesave të Mbretërisë së Bashkuar jashtë vendit.
Me padurim pres të vazhdoj këtë punë përkrah oficerëve dhe agjentëve trima të MI6 dhe partnerëve tanë të shumtë ndërkombëtarë.” Vitin e kaluar, 47-vjeçarja mori nga Mbreti Karl nderimin e Urdhrit të Shën Mikelit dhe Shën Gjergjit. Në të kaluarën, Metreëeli ka mbajtur poste drejtuese si në MI6 ashtu edhe në MI5. Ajo do të zëvendësojë Sir Richard Moore, që do të lërë shërbimin në vjeshtë.
“Emërimi historik i Blaise Metreweli vjen në një moment në të cilin puna e shërbimeve tona të inteligjencës nuk ka qenë kurrë kaq jetësore”, deklaron kryeministri britanik Keir Starmer.
Mbretëria e Bashkuar po përballet me kërcënime me përmasa të paprecedenta midis agresorëve që dërgojnë anije spiune në ujërat tona dhe hacker-ëve sulmet e sofistikuara informatike të të cilëve synojnë të komprometojnë shërbimet tona publike’, tha ai.
Dua të falënderoj Sir Richard Moore për shërbimin e përkushtuar, dhe jam i sigurt që Blaise do të vazhdojë të ofrojë udhëheqjen e jashtëzakonshme të nevojshme për të mbrojtur vendin tonë dhe për të mbrojtur popullsinë tonë.”
Ndërsa drejtori në ikje i MI6, Sir Richard Moore, shtoi: “Jam absolutisht i lumtur për emërimin historik të koleges sime, Blaise Metreëeli, si pasardhësen time në rolin e ‘C’. Blaise është një oficere e inteligjencës dhe një udhëheqëse e nivelit më të lartë, si dhe një nga mendjet tona më të ndritura në fushën teknologjike. Jam entuziast që ta mirëpres si gruaja e parë në krye të MI6.”
