Markat kineze të makinave elektrike kanë pushtuar tregun europian dhe jo vetëm. Automjetet janë moderne, cilësore dhe kanë çmime konkurruese nëse krahasohen me kompanitë e ngjashme prodhuese në Europë dhe Amerikë.
Një prej markave që ka pushtuar tregun është “BYD”, akronimi i Build Your Dreams. Por ekziston një arsye përse kjo markë ka mbushur tregjet me makina. Gjithçka është realizuar falë një përbindëshi detar.
Bëhet fjalë për anijen “BYD Shenzhen”, e konsideruar më e madhja në botë për transportin e automjeteve. Ajo është në gjendje që të transportojë 9,200 makina vetëm me një rrugë drejt tregjeve perëndimore.
Kjo arritje ka shënuar një moment të rëndësishëm në eksportin global të automjeteve elektrike.
