Përfaqësues të FRPD-së ishin sot në selinë e PD-së për të zhvilluar mbledhjen e radhës, nga ku deklaruan se i gjetën dyert e mbyllura.
Në një komunikim me mediet, përfaqësues të i FRPD-së u shpreh se dyert e selisë ishin sërish të mbyllura sikur dhe një ditë më parë.
“Kanë tentuar të hyjnë edhe dje deputetë të PD-së, anëtarë të komisionit të rithemelimit. Sot këtu janë anëtarë të kuvendit kombëtar të Partisë Demokratike, por selia është e mbyllur. Besoj se është një rast unikal, një parti në opozitë mbyll dyert për mbështetësit e vet. Flitet për të ardhmen, por kjo është e ardhmja që ofron Partia Demokratike sot. Është një parti pa vizion pa frymëzim, prandaj është i nevojshëm rithemelimi”, thanë ata.
Po ashtu, përfaqësuesit e FRPD-së theksuan se demokratët e kanë vendosur ne kuvendin e 11 dhjetorit dhe demokratët nga e gjithë Shqipëria do vijnë të ekzekutojnë vendimin.
