Aktori Alec Baldwin dhe vëllai i tij, Steven u përfshinë në një aksident me makinë në East Hampton, New York, kur automjeti i tyre u përplas me një pemë.
Aktori tha se përplasja ndodhi ndërsa ai po përpiqej të shmangte një kamion të madh mbeturinash që po u bllokonte rrugën.
Incidenti ndodhi të hënën, ndërsa Alec Baldwin dha lajmin nëpërmjet një postimi në Instagram, ku shpjegoi se po drejtonte Range Rover-in e bardhë të gruas së tij, Hilaria, në të cilin ndodhej edhe vëllai i tij, Steven, ndërsa po shkonin drejt Festivalit të Filmit në Hamptons.
“E përplasa makinën e gruas sime dhe ndihem keq për këtë – por gjithçka është në rregull. Jam mirë, vëllai im është mirë “, tha ai, duke shtuar në fund: “Khilaria, të dua më shumë se çdo gjë dhe jam shumë krenar për ty”.
Në të njëjtën kohë, ai falënderoi fansat e tij për mesazhet që mori, “faleminderit për shqetësimin tuaj”, shkroi ai në mbishkrimin me të cilin shoqëroi publikimin e tij.
