Lokali në Durrës i reperit Noizy është përfshirë nga flakët. Ngjarja ka ndodhur në orët e para të mëngjesit, ku vetë stafi i lokalit pretendon se shkak dyshohet se ka qenë një shkëndijë elektrike.
Flakët shkaktuan dëme të mëdha materiale në lokalin “Zins” në Durrës, ndërsa nuk ka pasur të lënduar.
Biznesi rezulton në pronësi të babait të reperit Noizy, Bashkim Rajku, dhe ndodhet në lagjen nr.1 në qytetin e Durrësit.
Në njoftimin zyrtar të policisë, nuk përcaktohet shkaku i zjarrit, ndërsa vijojnë hetimet për zbardhjen e shkakut të këtij zjarri.
“Në orët e para të mëngjesit të sotëm, në lagjen nr. 1, ka rënë zjarr në lokalin në pronësi të shtetasit B. R. Si pasojë e zjarrit ka vetëm dëme materiale”, njoftoi policia.
