Kreu i Partisë Demokratike, Lulzim Basha në fjalimin mbyllës të protestës së opozitës nga selia blu u shpreh i qartë se zgjedhje pa opozitën nuk do të ketë, dhe se 30 qershori do të jetë varreza politike e Edi Ramës.
“Mirënjohje për ju që sonte shkatërruat një plan
djallëzor për të hequr nga qafa e Edi Ramës, kularin që i ka vënë Europa pas
skandalit të publikuar nga “BILD”.
Ju nuk ndihmuat Edi Ramën, sepse nuk ratë pre e provoktimit që të mbyllnit këtë
skandal me zhurmën e provokimit.
Mirënjohje të madhe kam për tëe gjithë qytetarët e Tiranës, shqiptarët që u
bashkuan.
Asgjë nuk na ndal, asnjë hap pas nuk hedhim, 30 qershori është varreza politike
e Edi Ramës. Zgjedhje pa opozitën nuk ka dhe nuk do të ketë kurrë. Por sonte me
bekimin dhe kërkesën tuaj qëndrimit tonë politik për zgjidhjen e klësaj krize
përmes kushtit të largimit të Ramës, një qeverie tranzitore që do përgatisë
kushtet tranzitore, i shtohet një tjetër kusht i panegociueshëm, arrestimi dhe
cuaraj para drejtësisë e hajdutëve të votave tuaja. Nga i pari tek i fundit.
Nuk ka paqe pa drejtësi. Nuk do të ketë në Shqipëri zgjedhje të lira pa çuar
para drejtësi hajdutët e zgjedhjeve”, theksoi Basha para protestuesve që kishin
shkuar tek selia blu.
Një paralajmërim Basha e pati edhe për mijnistrin e Brendshëm Sandër Lleshaj dhe kupolën e policisë, kur tha se vendin e Bardh Spahisë dhe të arrestuarve të tjerë do ta zënë ata.
“Duke kujtuar me respektin dhe mirënjohjen time më të thellë çdo liberator të arrestuar dhe mbajtur padrejtëisht në burg, si të burgosur politik të Edi Ramës, nga Bardh Spahia me shokë dua ti them kupolës mafioze, të gjithë veglave qorre, nga Sandër Lleshaj tek polici më i fundit, i cili shkel ligjin dhe dhunon opozitën. Shumë shpejt do ta zëvendësoni ju, ju do të shkoni atje. Liberatorët janë krenaria jonë, frymëzimi ynë. Beteja do të vazhdojë ditë për ditë, orë për orë, Rama ik”, tha Basha./Ora News/
