Një varkë me disa persona u përmbys në lumin Danub pranë Baçka Palankës, në kufirin serbo-kroat, ku disa persona përfunduan në ujë.
Shërbimet e emergjencës nga Serbia dhe Kroacia janë në terren dhe po realizojnë një operacion për shpëtimin e njerëzve.
Siç raporton “Blic”, në anijen që lundronte në Danub kishte 11 qytetarë, 10 shtetas kinezë dhe një shtetas serb, i cili supozohet se drejtonte mjetin lundrues.
Deri më tani, janë gjetur tetë persona, gjashtë shtetas kinezë u shpëtuan nga shërbimet kroate, ndërsa ekipet e shpëtimit nga Serbia gjetën një të mbijetuar dhe një trup.
Kërkimi për tre persona të tjerë të zhdukur është ende duke vazhduar. Patrullat e policisë, ekipet e emergjencës dhe njësitë e shërbimit kufitar të të dy vendeve janë të pranishme në terren.
