Përmbytjet e lumit Guadalupe të Teksasit, ka bërë që të shtohen numri i viktimave dhe i fëmijëve të zhdukur, ashtu sikurse dhe dëme materiale të shumta.
Kështu, siç raporton BBC-ja, shënohen të paktën 24 viktima deri më tani, e 25 fëmijë të zhdukur. Fëmjët e zhdukur, i përkasin një kampi veror për vajza, të mitur me të cilët nuk arrihet komunikimi me ‘ta.
Presidenti i Shteteve të Bashkuara të Amerikës, Donald Trump, e cilësoi ngjarjen një tragjedi tronditëse dhe e tmerrshme, e cila ndodhi në Ditën e Pavarësisë. Zyrtarët federalë kanë premtuar ndihmë, tha guvernatori i Teksasit, Greg Abbott.
Ky i fundit, është shprehur se një operacion kërkim-shpëtimi gjatë natës është zhvilluar, megjithëse zyrtarët e Teksasit nuk mundën të konfirmonin numrin total të personave të zhdukur.
Shirat e rrëmbyeshëm bënë rritjen e nivelit të ujit, duke shkuar deri në 26 metra, për të shkaktuar më pas përmbytjet dhe dëmet njerëzore e materiale.
Zëvendësguvernatori i Teksasit, Dan Patrick, i informoi prindërit se nëse nuk janë kontaktuar, fëmija i tyre është në listën e të dhënave.
“Kjo nuk do të thotë që janë zhdukur. Ata mund të jenë jashtë komunikimit”, shtoi ai për fëmijët të cilësuar si të zhdukur deri më tani.
Patrick shprehur mirënjohje për ofertat e publikut për helikopterë dhe dronë personalë, por tha se nuk është e nevojshme për pajisje shtesë për të ndihmuar në përpjekjet e shpëtimit.
Ai tha se agjencitë e shpëtimit kishin 14 helikopterë, 12 dronë, nëntë ekipe shpëtimi dhe notarë në ujë, një total prej 400-500 personash në tokë.
Ndërprerjet e telekomunikacionit në zonë e kanë bërë të vështirë kontaktin me shumë njerëz në rajon, përfshirë fëmijët në kampin veror.
Përmbytjet e menjëhershme të së premtes në shtet, shkaktuan shpalljen e gjendjes katastrofike për rajonet Hill Country dhe Concho Valley.
Në Qarkun Kerr, zyra e sherifit ka raportuar përmbytje të mëdha me disa persona të zhdukur dhe humbje të konfirmuara jetësh.
Gjykatësi i qarkut Kerr, Rob Kelly, i cili është dhe zyrtari më i lartë në zonë, u pyet pse kampet përgjatë lumit Guadalupe nuk u evakuuan paraprakisht.
“Nuk e dinim që kjo përmbytje po vinte. Jini të sigurt, askush nuk e dinte që kjo lloj përmbytjeje po vinte”, u përgjigj Kelly.
Ai më vonë shtoi se “nuk kemi një sistem paralajmërimi” në zonë, e cila përmbytet rregullisht.
Ai tha se ajo që ndodhi të premten e tejkaloi përmbytjen e vitit 1987, e cila vrau 10 adoleshentë në një autobus kampi kishtar pranë qytetit Comfort, në jug të qarkut Kerr.
Sakaq, vijojnë operacionet e shpëtimit dhe të, si dhe ende ka paralajmërime për përmbytje të mëtejshme të mundshme në shtet.
