Të dielën rreth orës 13:45 ka ndodhur një aksident në fshatin Korishë të Komunës së Prizrenit mes dy paragllajdistëve, të cilët janë përplasur mes vete gjatë aterimit. Me këtë rast janë lënduar dy personat, një mashkull i moshës 27-vjeçare dhe një femër e moshës 23-vjeçare.
27-vjeçari ka vdekur rreth orës 20:00 në QKUK, shkruan KosovaPress.
Ekipet kujdestare të Komisionit për Hetimin e Aksidenteve dhe Incidenteve Aeronautike (KHAIA) dolën në vendin e ngjarjes bashkërisht me njësitë rajonale të Policisë së Kosovës në Prizren dhe kanë marrë provat.
