Sërish tensione në Kukës, në KZAZ 11 ku qytetarët kanë pasur një përplasje të ashpër me drejtuesit e policisë në këtë qark. “Çfarë doni ju doni luftë”, shprehen qytetarët, ndërsa punonjësit e policisë thonë që po bëjnë vetëm detyrën.
Në oborrin e kësaj KZAZ është sjellë dhe një kamioçinë nga ana e Bashkisë, ku duket se do të përdoret për të shpërthyer derën, dhe për të nxjerrë nga aty materialet zgjedhore.
Futja e kamioçinës ka tensionuar edhe më shumë situatën, duke bërë që në ambientet e brendshme të KZAZ të hidhen edhe shashka.
Kryebashkiaku i Kukësit Bashkim Shehu në një deklaratë për shtyp deklaroi se zgjedhje nuk mund të ketë sa kohë që është në fuqi dekreti i Presidentit Meta për shfuqizimin e zgjedhjeve në datë 30 qershor. Ai tha se kryeministri Rama do ta çojë situatë njësoj si me rrugën e Kombit, ta çojë situatën në kulm dhe pastaj të kërkojë falje.
