Persona të armatosur, të paidentifikuar, vranë nëntë shtetas të huaj në pjesën jugore të Iranit, pranë kufirit me Pakistanin, njoftoi të shtunën agjencia gjysmë zyrtare e lajmeve Mehr. Irani dhe Pakistani janë përpjekur që të përmirësojnë marrëdhëniet pas incidenteve të fundit.
Agjencia e lajmeve Mehr tha se asnjë individ apo grup nuk kishte marrë përgjegjësinë për vrasjet në provincën e trazuar Sistan-Baluchestan.
Grupi për të drejtat e popullsisë etnike në rajon, Haavalash shkruante në faqen e tij të internetit se viktimat ishin punëtorë pakistanezë që jetonin dhe punonin në një pikë riparimi makinash. Tre të tjerë u plagosën, njoftoi grupi.
Media shtetërore iraniane tha se ambasadorët e Pakistanit dhe Iranit ishin kthyer në postet e tyre pasi u tërhoqën kur të dy vendet shkëmbyen sulme me raketa javën e kaluar, duke thënë se goditjet kishin si objektiva militantët.
Rajoni i varfër prej kohësh ka qenë skenë e përleshjeve sporadike midis forcave të sigurisë dhe militantëve separatistë dhe kontrabandistëve që transportonin opium nga Afganistani, prodhuesi më i madh në botë i drogës.
Irani ka çmimet më të ulëta të karburantit në botë çka ka bërë në rritjen e kontrabandës së karburantit drejt Pakistanit dhe Afganistanit.
