Kreu i grupit parlamentar në Partinë Demokratike, Gazment Bardhi, ka ngritur dyshime këtë të hënë lidhur me procesin e përzgjedhjes së kandidatëve për anëtarë të Këshillit të Lartë Gjyqësorë dhe Këshillit të Lartë të Prokurorisë nga radhët e avokatëve.
Gjatë fjalës së tij në Komisionin për Çështjet Ligjore, Bardhi është shprehur se ka dyshime që ky proces është manipuluar. Sipas Bardhit,Sekretari i Përgjithshëm i Kuvendit, ka ndërhyrë në proces duke skualifikuar në shkelje të kritereve kandidatët.
