Liverpool vazhdoi fillimin perfekt të sezonit duke mposhtur Evertonin 2-1 në derbin e Merseyside, dhe kjo ishte hera e tretë në histori që “The Reds” i kanë fituar pesë ndeshjet e para në një sezon të Premier League.
Suksesi i Liverpool këtë sezon është ndërtuar mbi gola të vonshëm të vazhdueshëm, por në derbin e Merseyside, ata ishin të vendosur të mos mbështeteshin sërish në një fund dramatik.
Liverpool nisi furishëm në një Anfield të zjarrtë, duke kaluar në epërsi në minutën e 12-të kur Mohamed Salah dha një top prapa mbrojtjes për Ryan Gravenberch, i cili nuk gaboi duke e ngritur me mjeshtëri topin mbi Jordan Pickford-in dhe në cepin e portës.
Kontributi i Everton në pjesën e parë ishte i vakët, por Kiernan Dewsbury-Hall shpërdoroi një mundësi të mirë pas një veprimi mbresëlënës nga Jack Grealish.
Menjëherë pas kësaj, nga sulmi i radhës i Liverpool erdhi goli i dytë. Gravenberch, sërish i rëndësishëm, këtë herë ishte krijuesi duke dhënë një pasim perfekt për Hugo Ekitike, i cili e shtyu topin në rrjetë. (
