Klubet e Serie A janë në radhë për transferimin e mbrojtësit të padëshiruar të Manchester Unitedit, Harry Maguire.
Reprezentuesi anglez është në dispozicion nga Unitedi – për çmimin e duhur – pasi humbi shiritin e kapitenit të klubit këtë muaj.
Ofertat për mbrojtësin anglez nuk mungojnë dhe ato vijnë edhe nga jashtë Ligës Premier.
Sipas Il Corriere dello Sport, agjentët e Maguire janë në kontakt me disa klube të Serie A ndërsa ai po shqyrton opsionet e tij për të ardhmen.
Pesë klubet e mëdha: Juventusi, Napoli, Roma, Milani dhe Interi janë të gjitha të interesuar për transferimin e 30-vjeçarin.
West Ham United është gjithashtu i interesuar për Maguire, ku menaxheri David Moyes është një tifoz i madh i anglezit.
