Nga sulmi i armatosur masiv në qytetin Raleigh në Karolinën Veriore, pesë persona kanë vdekur dhe disa tjerë janë plagosur, thonë zyrtarët.
Policia njofton se sulmuesi është arrestuar.
Sulmi ndodhi afër rrugës së popullarizuar të qytetit, Neuse River Greenway në periferi të qytetit në pasditen e së enjtes, thotë kryebashkiaku i qytetit.
Motivi nuk dihet ende, mirëpo nënkoloneli policor Jason Borneo tha se do ta zbulojnë në ditët e ardhshme.
“Sonte, terrori ka trokitur në dyert tona. Makthi i çdo komuniteti ka arritur në Raleigh”, deklaroi guvernatori i Karolinës Veriore, Roy Cooper në konferencë shtypi, raporton BBC.
Sulmet e armatosura mbesin problem i vazhdueshëm në SHBA.
