Një peticion, që i bën thirrje qeverisë britanike mos të prezantojë kartat digjitale të identitetit, ka marrë më shumë se 1.5 milionë nënshkrime.
Kryeministri Keir Starmer njoftoi të premten se qeveria do të prezantojë një sistem të ri identifikimi deri në vitin 2029 që do të jetë i detyrueshëm për njerëzit që punojnë në Mbretërinë e Bashkuar.
Peticioni i bën thirrje qeverisë të angazhohet për mos të futur kartat digjitale të identitetit, duke pretenduar se ky do të ishte një hap drejt mbikëqyrjes masive dhe kontrollit digjital dhe se askush nuk duhet të detyrohet të regjistrohet me një sistem identifikimi të kontrolluar nga shtet.
Ai mori më shumë se 6800 nënshkrime brenda një ore mëngjesin e të shtunës, për të arritur në mbi 1.564.000 firma.
Peticionet në faqen e internetit të qeverisë së Mbretërisë së Bashkuar që marrin më shumë se 100.000 nënshkrime merren në konsideratë për debat.
