Pilotët e Raynar kanë rënë dakord për uljen e pagave prej 20%, si pjesë e përpjekjeve për të shmangur shkurtimet e 3,000 vendeve pune në linjën më të madhe ajrore në Evropë.
Sindikata e pilotëve Balpa njoftoi të mërkurën se 96% e anëtarëve të saj Ryanair kishin votuar të pranonin shkurtimin e pagës së përkohshme në mënyrë që të “kursenin vendet që ishin nën kërcënim” për shkak të rënies së kërkesës për fluturime përballë pandemisë sw koronavirusit.
“Kjo është një kohë e tmerrshme për aviacionin dhe për punonjësit në të gjitha linjat ajrore,” tha Brian Strutton, sekretari i përgjithshëm i Balpa. “Ishte mandati i anëtarëve tanë për të kursyer sa më shumë punë. Në kwto rrethana kjo është gjëja e duhur për të bërë edhe nëse nënkupton pranimin e uljeve të vështira të përkohshme të pagës. “
Pilotët ranë dakord për marrëveshjen e shkurtimit të pagave disa orë pasi drejtori ekzekutiv i Ryanair, Michael O’Leary, bëri publike një ultimatum që një total prej 3,000 shkurtimesh mund të shmangen vetëm nëse i gjithë stafi bie dakord të paguhet me pak./The Guardian
