Një kryebashkiake e sapo zgjedhur në Gjermaninë perëndimore është goditur me thikë dhe është plagosur rëndë pranë shtëpisë së saj. Iris Stalzer, 57 vjeçe, është anëtare e partisë socialdemokrate të qendrës së majtë (SPD) dhe u bë kryebashkiake e Herdecke në shtetin e North-Rhine Westphalia në shtator.
Autori nuk është kapur ende, teksa policia lokale thotë se një operacion i madh është duke u zhvilluar në qytet.
Kancelari Friedrich Merz dënoi ngjarjen, teksa e quajti “një akt të tmerrshëm”. “Ne kemi frikë për jetën e kryebashkiakes së zgjedhur, Iris Stalzer, dhe shpresojmë për një shërim të plotë”, shkroi ai.
Stalzer, e cila fitoi ngushtë zgjedhjet për kryetar bashkie muajin e kaluar dhe ende nuk ishte betuar, pësoi lëndime të shumta në gjoks dhe bark dhe ndodhet në gjendje të rëndë në spital.
