Policia italiane ka arrestuar disa të dyshuar të mafias, për të cilët beson se janë aktivë në sektorin e kujdesit shëndetësor, njoftuan sot zyrtarët.
Anëtarët e mafias dyshohet se kanë ndikuar në mënyrën se si autoriteti shëndetësor i Kalabrisë i ka dhënë kontratat dhe kanë marrë një kontratë për të ofruar shërbime pastrimi në spitale dhe objekte administrative.
Të dyshuarit, gjithashtu, dyshohet se kanë marrë vaksinime kundër COVID-19 më herët sesa ishte menduar, sipas sistemit të përparësisë në Itali.
Gjatë bastisjeve në disa provinca, u arrestuan 117 persona të dyshuar si anëtarë të Ndrangheta-s të mafias kalabreze.
Nëntë prej tyre u burgosën, sipas një deklarate të policisë financiare në Reggio Calabria.
Policia gjithashtu mori kontrollin e kompanive me një vlerë totale prej rreth 12 milionë eurosh.
Të dyshuarit akuzohen për shoqatë mafioze, korrupsion dhe zhvatje, mes akuzave të tjera.
Bastisjet u kryen në provincat e Reggio Calabria, Romë dhe Milano, ndër të tjera.
