Një djalë është gjetur i vdekur nga babai i tij në Gjakovë, të enjten pasdite.
Sipas raportit 24 orësh të Policisë, ekipi mjekësor ka dalë në vendin e ngjarjes ku është konstatuar vdekja e tij.
“Me vendim të prokurorit trupi i pajetë i viktimës është dërguar në IML për obduksion”, thuhet në këtë raport.
Në këtë raport, po ashtu, bëhet e ditur se në Komunën e Kaçanikut nëna ka njoftuar Policinë se vajza e saj është marr nga një person i panjohur me veturë, ku dyshohet se është dhunuar seksualisht.
“Ankuesja femër kosovare ka informuar se vajza e saj viktima femër kosovare, dyshohet se është marrë nga një person i panjohur me veturë dhe dyshohet se ka kryer marrëdhënie seksuale”, theksohet në raport.
Me vendim të prokurorit viktima është dërguar në Institutin e Mjekësisë Ligjore (IML) për ekzaminim.
Sipas Policisë së Kosovës që të dyja rastet janë duke u hetuar.
