Vazhdon atmosfera e jashtëzakonshme nëpër rrugët e kryeqytetit të Kosovës në prag të ndeshjes ndaj Anglisë.
Shumë tifozë anglezë janë mirëpritur në Prishtinë, të cilët janë befasuar me mikpritjen e “Dardanëve”.
Madje edhe forcat e Policisë së Kosovës kanë mirëpritur tifozët e “Tre Luanëve”, duke bërë edhe foto me ta.
KTV-ja ka siguruar pamje nga një moment i tillë, kur policët kosovarë kanë bërë foto me tifozët e Huddersfieldit ku aktualisht luan mbrojtësi i Kosovës, Florent Hadërgjonaj.
