Policia e Londrës arrestoi një burrë të dyshuar për helmimin e ushqimit në tre supermarkete
Policia e Londrës arrestoi një burrë të dyshuar për helmimin e ushqimit në tre supermarkete, duke i injektuar ato me shiringa.
Autoritetet lokale këshilluan blerësit në dyqanet në zonën perëndimore Hammersmith të Londrës që të hedhin produktet që kishin blerë pasi i dyshuari u arrestua të mërkurën mbrëma.
Autoritetet nuk kanë identifikuar se sa artikuj janë ndikuar ose nëse shiringat kishin ndonjë gjë brenda.
Shërbimi Policor Metropolitan i Londrës tha se i arrestuari dyshohet se përdori “një numër gjilpërash” për të injektuar mishin e përpunuar dhe produktet të mikrovalës në degët e vogla të Sainsbury’s, Tesco dhe Waitrose në rrugën Fulham Palace.
Ai u arrestua “nën dyshimin e helmimit të mallrave me qëllim të shkaktimit të dëmit ose ankthit publik”, tha departamenti i policisë.
Tre dyqanet mbetën të mbyllura të enjten, ndërsa blerësit janë këshilluar si një masë paraprake që të hedhin çdo artikull ushqimor të blerë nga këto supermarkete.
